I 1900-krysset har det nå kome rundkøyring i staden for T-kryss. Det gjer det mykje tryggare for alle trafikantar.Rogaland fylkeskommune har bygt rundkøyring i 1900-krysset på Bryne. Måndag 13. november blir opninga markert mellom Kvernelandsvegen og Garborgvegen, klokka 14.00.
1900-krysset ligg mellom Kvernelandsvegen (fylkesveg 506) og Garborgvegen (fylkesveg 505), rett aust for Bryne. Når T-krysset nå er bytta ut med ei rundkøyring, blir det meir oversiktleg og tryggare for trafikantane.
Program for opninga, 13:50‒15:00
Dei som ønskjer, kan møte opp ved 1900-krysset, mellom Kvernelandsveien og Garborgvegen i Time kommune. Det er mogleg å parkere på parkeringsplassen til Maurtuå barnehage, Lonarmyrvegen 1.
Einingsleiar for veg og forvaltning i samferdsleavdelinga i Rogaland fylkeskommune, Astrid Eide held tale. Det gjer også ordførar i Time, Andreas Vollsund, før fylkesordføraren klypper snora.
Etter snorklyppinga blir det kake og kaffi fram til klokka 15.
Fakta om rundkøyringa
- kontrakt signert med Risa AS i midten av mai
- kontraktsform har vore totalentreprise
- sjølve rundkjøringa blei etablert i sommarferien
- hovuddelen av byggearbeidet er utført i perioden 01.08–03.11
Garborgvegen har vore stengt i 3-4 veker grunna bygging av kulvert for Timebekken - den nye rundkøyringa har tre armar
- nytt opphøgd gangfelt i Garborgvegen
- kostnadsramma er 19,7 millionar kroner
Vel møtt!