Denne symjehallen blir møteplass for ungdom Randaberg24

Regional-, kultur- og næringsutvalget (RKNU) vedtok 21. mars tildeling av støtte til stedsutvikling. Støtta er fordelt på dei to tilskotsordningane «Fylkestilskot til stadsutvikling» (1 659 000 kroner) og «Tilskot til attraktive tettstader i distrikta i Rogaland» (1 237 000 kroner). 

Tilskot til stadsutvikling

Eit av prosjekta som får støtte er kartleggjing av mogleg bruk av tre historiske bygg rundt Veveriet i Ålgård sentrum. Byggja er blant anna tenkt som møtestadslokale for barn og unge etter skuletid. Også Randaberg kommune får støtte til gjenbruk av gamle lokaler. I eit nedlagt symjebasseng har dei som mål å skapa eit unikt tilbod til ungdomar. 

Også formidling av kunst er blant prosjekta som får støtte. Log Prosjekt og Design AS får 150 000 kroner i støtte til å utplassere ei kunstutstilling av Maria Kulikovska ved sentrale møteplassar i Sokndal kommune. Utstillinga skal synleggjere lokalhistorie og identitet, samstundes som ho vis fram tilknytinga kunstnaren har til heimlandet Ukraina. 

Attraktive tettstader i distrikta i Rogaland 

Attraktive tettstader i distrikta i Rogaland (tettstadsprosjektet) er eit av tiltaka for å nå måla i Utviklingsplan for Rogaland (Regional planstrategi 2021-2024). Formålet med prosjektet er å auka livskvalitet og styrkja busetjing, sysselsetjing og verdiskaping i distrikta. I årets tildeling er det Kvitsøy og Sokndal kommune som får støtte.