Kunstprosjektet «Kunstkapslar» opnar i helga. Lokale kunstnarar stiller ut ved ti dagsturhytter i Rogaland. Vistneshyttå i Randaberg kommune er ei av hyttene. Her opnar utstillinga fredag 5. september. Øyvind Nesvåg, Rogaland fylkeskommune

I samband med 50-årsjubileet til Norske Kunsthåndverkere vert kunstprosjektet «Kunstkapslar» lansert – med mål om å overraske og skape undring ved å plassere kunst på uventa stader.

I Rogaland har alle kommunar og kunsthandverkarar fått invitasjon til å delta, og resultatet er utstillingar på ti ulike dagsturhytter, i regi av elleve lokale kunstnarar. Her får turgåarar oppleve kunst i ulike materiale – midt i naturen.

Utstillingane opnar frå 5. september og står i fire veker frå opningsdato. Prosjektet er støtta av Rogaland fylkeskommune gjennom tilskotsordninga Allment kulturarbeid.

Prosjektleiar for dagsturhyttene i Rogaland fylkeskommune, Torstein Plener. Øyvind Nesvåg, Rogaland fylkeskommune

Dagsturhyttene som formidlingsarena

– Det er flott at dagsturhyttene kan nyttast som formidlingsarena for både kunnskap og kultur, seier prosjektleiar for dagsturhyttene, Torstein Plener, i Rogaland fylkeskommune. 

Han peikar på at det er kommunane som styrer aktivitetane ved hyttene, men fylkeskommunen ønskjer å bidra til tiltak som skapar aktivitet.

– Me ønskjer å bidra til aktivitetar som får folk ut på tur – og ser ein aukande interesse for slike tiltak, seier Plener.

Desse kunstnerane deltek og stiller ut på desse ti hyttene:

Gjesdal, Røyskatten

Kunstnar: Nuri Sakong

Opning: laurdag 6. september, klokka 12.00.

Haugesund, to hytter:

Nuten: Kunstnar: Ann Charlotte Wall Kvala

Opning: søndag 7. september kl. 16.00

Varøy, Vibrandsøy: Kunstnarar: Astri Ræstad og Kristine Synnes

Opning: søndag 7. september klokka 12.30 

Kvitsøy, Røde Skjegg

Kunstnar: Jone Tou 

Opning: laurdag 6. september klokka 12.00

Randaberg, Vistneshyttå

Kunstnar: Siri Gjesdal

Opning: fredag 5. september klokka 12.00.

Sandnes, Søsterhytta

Her er dessverre opningsarrangementet avlyst, grunna sjukdom.

Sokndal, Åmodtshytto

Kunstnar: Karoline Emmerhoff 

Opning: søndag 7. september klokka 16.00. 

Sola, Solabu

Kunstnar: Yvette Lardinois

Opning: søndag 7. september frå klokka 12.00 - 14.00

Suldal, Kvilehaugen

Kunstnar: Eva Sæverud

Denne utstillinga er opna, og kunstverket på plass.

Utsira, Vindballhytta

Kunstnar: Gro Gjengedal

Opning: søndag 14. september klokka 14.00