Rogaland fylke ligg sørvest i Noreg og har rundt 482.000 (2020-tal) innbyggjarar. Fylket er Noregs fjerde største i folketal.  Rogaland består av 23 kommunar, fordelt på Jæren, Ryfylke, Haugalandet og Dalane. Stavanger er administrasjonssenteret.

Areal og geografi

• Rogaland er 9 377,1 kvadratkilometer stort. Av dette er 8 575,33 kvadratkilometer land og 801,77 kvadratkilometer er vatn. Rogaland og Oslo er fylka med minst areal.
• Rogaland har omkring 350 kilometer kyst mot havet og ei strandlinje på godt over 2000 kilometer.
• Suldalsvatnet er den største innsjøen i Rogaland.
• Høgaste fjell er Vassdalseggi, 1658,2 meter over havet, i Suldal.

Elevar og vidaregåande skolar

• Rogaland fylkeskommune driv 25 vidaregåande skolar. Les meir om dei vidaregåande skolane. I tillegg kjem ein høgare yrkesfagleg fagskole og to skolesenter.
• 16 404 elevar går på skolane.

Veg og kollektivtrafikk

• Fylkesvegane i Rogaland er viktige i fylket sitt samla transportsystem, og utgjer til saman 2 500 kilometer.
• 1,44 milliardar kronar går med til kollektivtrafikk i 2021, inkludert 312,5 millionar frå Byvekstavtalen. Kolumbus er mobilitetsleverandøren i fylket. Det betyr at Kolumbus har ansvar for buss- og hurtigbåttrafikken i Rogaland. I tillegg jobbar selskapet for at tog, sykkel, gonge og bildeling heng saumlaust saman med buss og båt slik at folk skal komme seg frå A til Å utan bruk av eigen bil.
• Rundt 20,8 millionar bussreiser i 2020.
• Rundt 500 000 båtreiser.
• Skoleskyss for 20 600 elevar.
• Tilrettelagt transport for 8500 personar.