Hovudvekta av elevane som manglar læreplass er innan helsefagarbeiderfaget og barne- og ungdomsarbeiderfaget.
– Eg er stolt over fagutdanninga og alt det offentlege får til saman med private selskap. 95 prosent av yrkesfagelevane i fylket har fått plass i lærebedrifter, men vi gir oss ikkje før alle som er kvalifiserte har fått læreplass, seier fylkesordførar Marianne Chesak.
Ikkje for seint å opne dørene
I år er det registrert 129 søkarar utan læreplass. Hovudvekta av desse er innan helsefagarbeiderfaget og barne- og ungdomsarbeiderfaget.
– Eg vil gi ei klar oppfordring om å ta inn lærlingar, særleg innan helsefag, kor vi har størst mangel på læreplassar. Dei eit godt tilskot til bedrifta, samtidig som det sikrar fagfolk til bransjen. Det er ikkje for seint å opne dørene, seier fylkesordføraren.
Fylkesordfører Marianne Chesak i engasjert samtale med entreprenører og lærlinger på byggeplassen til nye Stavanger universitetssykehus.
Marianne Chesak, fylkesordfører i Rogaland
Oppteken av å vareta alle
Alle søkarane som ikkje har fått læreplass, får tilbod om VG3 fagopplæring i skole. I år har 107 søkarar takka ja til dette tilbodet. Søkarane som ikkje har svart eller svarer nei blir ringe opp av oppfølgingstenesta, som gir dei meir informasjon om tilbodet.
– Vi er oppteken av at alle blir vareteke og får eit tilbod. Hos nokre av dei som står utan læreplass kan det vere språkkvalifikasjonar eller andre hindringar som er vanskelege å kombinere med læreplass, seier seksjonssjef for opplæring i bedrift, Catrine Utne Pettersen.
Har tilsett læreplasskoordinatorar
Seksjonssjef for opplæring i bedrift, Catrine Utne Pettersen.
Rogaland fylkeskommune jobbar kontinuerleg med å finne løysingar som kan bidra til at enda fleire elevar fullfører vidaregåande opplæring. Eit nytt tiltak som blei innført i år, er tilsettinga av læreplasskoordinatorar ved dei yrkesfaglege skolane i Rogaland. Dette er personar som jobbar med å identifisere sårbare elevar og planlegge gode overgangar til opplæring i bedrift. Dette arbeidet startar allereie første året (Vg1), i tett samarbeid med programfaglærarar og kontaktlærarar.
– Denne tidlege kartlegginga gir moglegheita til å tilpasse yrkesfagleg fordjuping på ein meir målretta måte og hjelpe elevane med å finne den riktige læreplassen. I tillegg gir læreplasskoordinatorane elevane støtte og motivasjon til å skrive søknader og trenar dei for jobbintervju, seier ho.
Interessert i å bli lærebedrift?
Det er ikkje vanskeleg å bli lærebedrift. To ting er viktige for å bli godkjent. Bedrifta di må ha relevante arbeidsoppgåver for lærlingen. I tillegg må bedrifta ha ein fagleg leiar som varetek opplæringsansvaret.
Er du interessert? Eller klar for å ta ein nærare samtale om moglegheitene for å bli lærebedrift? Då vil vi høyre frå deg.
Kontakt oss på fagopplaering@rogfk.no.