Fra asfaltsesongen i fjor. Her blir veien ved Jærhagen asfaltert. Rogaland fylkeskommune

– Arbeidet med å leggja ny asfalt skjer heile døgnet.  Asfaltarbeid er støyande, og me forstår at arbeidet er forstyrrande for naboar. Grunnen til at arbeidet skjer òg på kveldar og netter, er omsynet til trafikantane, fortel prosjektleiarane Christian Gryte og Torbjørn Jektnes i Rogaland fylkeskommune.

Rogaland fylkeskommune har skrive tre kontraktar for asfaltering og fresing med to entreprenørar, NCC Industry AS har fått del-kontrakt 1 for Nord-Rogaland. Velde Asfalt AS har fått del-kontrakt 2 for Nord-Jæren, og del-kontrakt 3 for Dalane. Entreprenørane vann del-kontraktane fordi dei skåra høgast på pris og miljøvennleg utføring av jobben.

Dei to leverandørane skal produsera og leggja om lag 45 000 tonn asfalt. Asfaltsesongen varer til godt ut på hausten, kanskje så lenge som november. Dette avheng av vêret. Prosjektleiarane Torbjørn Jektnes og Christian Gryte ber publikum visa omsyn og følgja skilting og dirigering.


– Ta omsyn til dei som jobbar.  Arbeidsfolk langs vegane er spesielt utsett for ulykker, poengterer Jektnes og Gryte.

Her kjem det til å lukte asfalt 

PS! Det kan bli endringar undervegs i sesongen, og fleire vegar kan bli lagt til på lista. 

 Sør-Rogaland

Nord-Rogaland