Kommunane som er med i Heiplanen må vera søkar. Det kan vera andre aktørar enn kommunane som gjennomfører prosjektet/tiltaket. 

• Legge til rette for aktivitetar og opplevingar som formidlar natur- og kulturarv knytt til villreinfjellet og som spelar på lag med særpreget til bygdene og grendene. 
• Aktivitetane og opplevingane skal styrke bygdene og grendene som stader å bu, leve, arbeide og besøke.

De kan søke om økonomisk støtte til å gjennomføra fysiske tiltak som er i samsvar med føremåla. 

De kan søke om økonomisk støtte til å planlegge tilrettelegging av aktivitetar og opplevingar. 

Det kan løyvast inntil 50 prosent av godkjend budsjett. Maks støtte er 250 000 kroner.

Søknadene blir handsama og avgjort av Heiplansekretariatet.

Søknaden må synleggjere følgande:

• Forankring i Heiplanen
• Korleis prosjektet/tiltaket vil medverka til bygdeutvikling og/eller næringsutvikling
• Formidling av natur- og kulturarv knytt til villreinfjellet

Det skal leverast rapport og prosjektregnskap før sluttutbetaling kan finne stad. 

For meir informasjon sjå Retningslinjer 2026 (PDF, 169 kB)  til støtteordninga.

De skriv søknaden i søkarportalen Regionalforvaltning.no under støtteordninga Levande og attraktive bygder og grender kring villreinfjellet.