Stenger Skadsem bru onsdag 22. mars for å bygge ny bru
Skadsem bru blir heilt stengt frå onsdag 22. mars til 14. april. Ei bru, som blei sett inn mellombels, blir fjerna 23. mars, og så startar arbeidde med å armere og støype ny bru.
Brua ligg på fylkesveg 4480 i Klepp kommune.
Ny permanent bru kjem snart på Skadsem bru i Klepp kommune
Opphavleg plan for brua var å byte kantdragarar, reparere undersida av brudekket, byte asfalt og asfaltere.
– Den gamle brua blei fjerna i april i 2022, då det viste seg at ho var for skada til å bli reparert. Ei ny bru blei bestilt, men godkjenninga frå Veidirektoratet trekte ut i tid. No er vi glade for å komme i gang, seier byggeleiar for bru John-Olav Kirkengen i Rogaland fylkeskommune.
Publisert av Eilin Tvedt Gundersen
Publisert 20.03.2023 09.41